dé Weekkrant Fryslân

Mei in yndrukwekkend dekor, prachtige technyk en entousiaste spilers wurd op dit stuit de lêste hân lein oan de foarstellings fan Anatevka troch toanielferieniging It Moat Kinne. Oars de de ôfrûne jierren is dit in âlderwets toanielstik mei tragedie, humor én in boadskip. Neist de premieré fan freed 8 febrewaris wurd der spiele op sneon 9, freed 15 en sneon 16 febrewaris en freed 7, sneon 8, freed 14 en sneon 15 maart. Alle jûnen is de seal iepen om 19:30 oere en begjint it stik om 20:00 oere. Plak fan spyljen is doarpshûs De Pipegeal, Ds. Feitsmawei 1a yn Broeksterwâld.
Kaarten binne te bestellen op nûmmer 0511-424268 as op 0511-422925.

It ferhaal fan "Anatevka - in spylman op it dak" giet oer haadrolspiler Tevje dy’t mei syn frou en fiif dochters yn it Russyske doarpke Anatevka wennet. Harren betrouen yn God is grút en de ieuwenâlde tradysjes wurde yn dizze Joadske mienskip swier naam. Tevje is in ienfaldiche man fan tradysjes mei kostelike humor. De ûntwikkelingen yn de wrâld geane troch en de ynfloed derfan wurd dudlik makke yn dit earmoedich en ienfaldiche doarpke. Yn it ferhaal is de spanning fan de Russyske Tsaar en de op hannen steande revolúsje te fielen. Ek wurde de nije tiiden dúdlik as Tevje's dochters net trouwe wolle mei de feinten dy't oan har keppele binne. Hokker kar makket Tevje tusken de ieuwenâlde tradysjes en de leafde foar syn gesin.
In ferhaal mei tragedie, humor én in boadskip. En dat yn it Frysk binnendoar spiele yn Broeksterwâld. Mear ynformaasje op www.itmoatkinne.com